Stjórn Björgunarsveitarinnar Ársæls auglýsir eftir starfsmanni tímabundið í 6 mánuði. Hugmyndin er að fara í samstarf við Vinnumálastofnum og ef af því samstarfi verður er fyrst og fremst leitað eftir einstaklingi innan sveitarinnar sem er á atvinnuleysisskrá. Við hvetjum þó alla til að sækja um. Umsóknarfrestur er til 10. september og sendist á Þetta netfang er varið gegn sjálfvirkum spam forritum, þú verður að leyfa Javascript í vafranum þínum til að sjá það. . Stefnt er að ráðningu frá og með 1. október og miðast launakjör við kjarasamninga VR.

Um er að ræða átaksverkefni í nokkrum málaflokkum og má þar nefna ítarleg uppfærsla á félagatali, skráning og merking eigna, flokkun og varðveisla ýmissa skjala og fleira sem til fellur.

Af nógu er að taka fyrir kraftmikinn og duglegan starfsmann sem þarf að geta unnið sjálfstætt og sýnt frumkvæði í starfi. Þetta er jafnframt afar gott tækifæri til að fá að vinna draumastarfið við að efla og bæta starfsemi björgunarsveiarinnar.

Það er von stjórnar að viðbrögð við þessari auglýingu verði jákvæð enda er það okkar vilji að starfsmaður komi úr okkar eigin röðum og leitum við því fyrst þangað. Nýliðar eru hvattir til að sækja um jafnt semfullgildir félagar.

Nýlega var auglýst útboð vegna stækkunar Gróubúðar.  Nánari upplýsingar má fá á www.strendingur.is.

fimmtudaginn 2 september kl.14.00 rennur út útboðsfrestur, og verður opnun á tilboðum vegna byggingarnar og mun bygginganefnd ásamt fulltrúa frá verkfræðistofunni Strendingi fara yfir öll tilboð sem borist hafa vegna verksins.
Í frammhaldi af opnum tilboða mun bygginganefnd taka sér tíma til að fara yfir öll tilboðin og síðan leggja þau fyrir stjórnir og auka aðalfund

Vaskur hópur félaga úr Björgunarsveitinni Ársæli og Slysavarnadeild kvenna í Reykjavík er nú við störf á Kjalvegi við að leiðbeina ferðamönnum og vera til taks ef eitthvað kemur upp á.  Er þetta liður í verkefninu Björgunarsveitir á hálendinu sem Slysavarnafélagið Landsbjörg stendur fyrir þetta sumarið 4. árið í röð.  Vaktin hefur gengið vel og ekkert stórvægilegt komið upp á.  Í gær, mánudag, kom óvænt heimsókn en þá litu framkvæmdastjóri og varaformaður Slysavarnarfélagsins Landsbjargar við á Hveravöllum en meðfylgjandi mynd er tekin við það tilefni.