Björgunarsveitin Ársæll

Date: lau 25.jún 2005

Á döfinni

mánudagur, 06. sep kl. 19:30 - 22:00
Sjúkrahópur: fundur

mánudagur, 06. sep kl. 19:30 - 21:30
Kafarahópur: Fyrsti fundur haustsins

mánudagur, 06. sep kl. 19:30 - 22:00
Nýbúar: Fyrsti fundur vetrarins

þriðjudagur, 07. sep kl. 19:00 - 21:00
Ásgrímshópur: Kynning á dagskrá og sigling

þriðjudagur, 07. sep kl. 19:30 - 22:30
Rústabjörgunarhópur: Fyrsti fundur Vetrar

þriðjudagur, 07. sep kl. 20:00 - 23:00
Undanfarar: Fellur nidur

Nýjustu Fréttir

Syndicate

Sinntu slösuðu fólk

Höfundur: Sigurður Jónsson

mánudagur, 18 janúar 2010

Íslenska aþjóðabjörgunarsveitin var við störf í borginni Léogane vestur af höfuðborginni Port au Prince á Haiti í gær. Horfið var frá áformum um að sveitin gisti á svæðinu og fór hún því til búða í gærkvöldi. Ástandi í Léogane er afar slæmt og leitaði sveitin í rústum en enginn fannst þar á lífi. Mikið var af slösuðu fólki í borginni og sinnti sveitin sjúkrahjálp. Einnig kallaði hún eftir alþjóðlegu sjúkraliði á staðinn og mun hópur fara á staðinn í dag.

Verkefni sveitarinnar í dag er að leita í rústum í miðborg Port au Prince ásamt bandarískri sveit sem hún hefur unnið með áður. Ekki er komin nánari lýsing á verkefnum dagsins.

Ástand meðlima sveitarinnar er eftir atvikum gott. Þegar rústabjörgunarhópurinn kemur til búða er búið að hreinsa vatn svo þeir geti farið í sturtu, gætt er að því að allir fái nóg að borða og að þeir séu að drekka nægt vatn.

Slysavarnafélagið Landsbjörg og utanríkisráðuneytið vinna nú að því að undirbúa flutning sveitarinnar til Íslands. Ekki er þó vitað hvenær sveitin lýkur störfum á Haiti en þumalfingursreglan er sú að rústabjörgunarsveitir hætta störfum eftir að 48 klst eru liðnar frá síðasta fundi á lifandi manneskju á skaðasvæðinu.

http://landsbjorg.is/Article.aspx?catID=466&ArtId=1287&showDate=true

Viðtal við Kristin Ólafsson

Höfundur: Sigurður Jónsson

mánudagur, 18 janúar 2010

Hér er viðtal við Kristin Ólafsson framkvæmdastjóra SL um ferð hans til Haiti með flugvélinni sem flutti björgunarsveitnia okkar. Kristinn var í viðtali á Bylgjunni rétt fyrir kl 9 í morgun

http://bylgjan.visir.is/lisalib/getfile.aspx?itemid=51299

Fólk hefst við undir tjöldum

Höfundur: Sigurður Jónsson

sunnudagur, 17 janúar 2010

Íslensku björgunarsveitarmennirnir á Haítí eru nú komnir á áfangastað í borginni Léogane og hafa slegið upp búðum þar ásamt hópi annarra björgunarsveita. Að sögn Gísla Rafns Ólafssonar, eins stjórnenda sveitarinnar, er eyðileggingin mikil í borginni, en fram til þess hefur ekkert alþjóðlegt hjálparlið náð á staðinn.

Sjálfur flaug Gísli yfir svæðið í þyrlu í morgun og segir að á milli höfuðborgarinnar og Léogane hafi mátt sjá að um 20% húsa voru eyðilögð. „Þarna var fullt af fólki sem greinilega býr bara undir berum himni og er með smá tjald eða dúk til að skýla sér fyrir sólinni."

Það tók sveitina um 90 mínútur að keyra til borgarinnar, um 40 kílómetra leið og segir Gísli veginn hafa verið í þokkalegu standi. Það sem hinsvegar tefji hjálparstarf hvað mest í landinu sé vöntun á fleiri flutningatækjum og erfiðleikar í samskiptum þar sem flestir reiði sig á stopula gervihnattasíma. Íslenska sveitin sé ein af örfáum sem búi að því að hafa mjög öflug fjarskiptatæki og talstöðvar auk þess sem þeir tryggi að sveitin hafi ávallt með sér gervihnattasíma á vettvangi.

Björgunarsveitarmennirnir munu í dag og á morgun fara um borgina, kanna ástandið og reyna að finna fólk á lífi áður en snúið verður aftur til höfuðborgarinnar Port-au-Prince.

http://mbl.is/mm/frettir/innlent/2010/01/17/folk_hefst_vid_undir_tjoldum/

ÍA á leið til Légoane

Höfundur: Sigurður Jónsson

sunnudagur, 17 janúar 2010

Nú er 26 manna hópur frá Íslensku alþjóðabjörgunarsveitinni á leið til borgarinnar Léogane, sem er um 40 km vestan við höfuðborgina Port au Prince á Haiti. Íslenska sveitin er í för með breskri sveit og sveit frá Katar og er allur hópurinn um 100 manns. Þessi hópur er útbúinn til þess að dvelja í Leogane í tvo sólarhringa.

Léogane er 134.000 manna borg og er staðsett við upptök jarðskjálftans sem varð á þriðjudag. Er talið að ástandið þar sé afar slæmt og að allt að 80-90 % bygginga séu hrundar. Ekkert alþjóðlegt hjálparlið hefur enn farið á staðinn.

Mikið um steinsteypt hús í borginni og því líkur á að þar geti verið að finna fólk á lífi í rústum.

Friðargæsluliðar frá Sameinuðu þjóðunum munu fylgja hópnum og tryggja öryggi hans.

http://landsbjorg.is/Article.aspx?catID=466&ArtId=1282&showDate=true

Vinna nær upptökum skjálftans í dag

Höfundur: Sigurður Jónsson

sunnudagur, 17 janúar 2010

Íslenska alþjóðabjörgunarsveitin er nú að búa sig undir verkefni dagsins á Haiti. Mun sveitin að öllum líkindum vinna í bæ um 40 km vestan við höfuðborgina Port au Prince en enn sem komið er hefur engin alþjóðleg björgunarsveit farið þangað. Bærinn stendur mun nær upptökum skjálftans en höfuðborgin og er það mat manna að þar hafi 80-90% bygginga hrunið í skjálftanum.

Íslenska sveitin var kölluð til búða snemma í gær þannig að hún hefur fengið góða hvíld, þá fyrstu frá því hún fór af stað á þriðjudag.

Komið hafa upp tilvik þar sem alþjóðlegt hjálparlið hefur ekki náð að taka með sér allar birgðir vegna erfiðleika í flutningum til Haiti og skortir því nauðsynlegar vistir. Íslenska sveitin hefur því verið að deila mat sínum og vatni með öðrum björgunaraðilum en gert er ráð fyrir að meiri vistir berist áður en þær verða á þrotum. Íslenska sveitin á að vera sjálfbær með búðir, vistir og læknishjálp í 7-10 daga því ekki þykir forsvaranlegt að hún valdi álagi á veika innviði landa sem verða fyrir skaða.

Fleiri myndir frá Haiti eru komnar inn á myndabanka Slysavarnafélagsins Landsbjargar.

http://landsbjorg.is/Article.aspx?catID=466&ArtId=1281&showDate=true

Meira...