Slysavarnardeildin Varðan hefur ákveðið að tileinka árlega Vörðudaginn okkar slysavörnum og fræðslu fyrir heldri borgara í bæjarfélaginu okkar og jafnframt að kynna fyrir þeim starf björgunarsveita og slysavarnardeilda.

Laugardaginn 15. maí klukkan 14:00 bjóðum við þeim til okkar í Gaujabúð við Bakkavör þar sem skemmtileg dagskrá er í boði. 

Vonast deildin til að sjá sem flesta.

Á dagskrá verður:

Fyrirlestur um slysavarnir í umferðinni og á heimilum.

Fyrirlesari er Herdís Storgaard.

Myndasýning frá björgunarstarfinu á Haítí.

Kaffi, meðlæti, spjall og tónlist í boði Vörðunnar

Þriðjudaginn 11. maí síðastliðinn var haldinn sveitarfundur í Gróubúð.

Meðal efnis á fundinum var umræða um fyrirhugaða viðbyggingu við Gróubúð.

Theodór  Bjarnason fulltrúi Byggingarnefndar mætti á fundinn og skýrði frá kostnaðaráætlun og gerði grein fyrir breytingum sem þarf að gera á henni.

Nokkrar umræður sköpuðust, en voru þær nokkuð minni en margir höfðu gert ráð fyrir.

Er ljóst að leggja þarf út í mikla vinnu við öflun fjár svo byggja megi á sem skemmstum tíma, ef ekki á að leggja út í miklar lántökur sem óvíst er að fáist nema á háum vöxtum og með miklum aukakostnaði.

Teikningar af húsinu hafa legið fyrir um nokkurt skeið og hafa menn verið að skoða þær og velta fyrir sé.

Halda þarf fleiri slíka fundi áður en kallað verður til aukaaðalfundar þar sem byggingarframkvæmdir verða bornar upp til samþykktar.