Daníel Eyþór Gunnlaugsson og Einar Daníelsson sem sitja báðir í svæðisstjórninni og einn áhafnarmeðlimur bílsins, Vilberg Sigurjónsson, kynntu ráðherra starfsemina og bílinn og búnað hans. Ákveðið var árið 2009 að ráðast í að útbúa rúmgóðan bíl með slíkri miðstöð og fékkst mjólkurflutningabíll frá Búðardal sem var innréttaður sérstaklega. Áður hafði verið notaður mun minni bíll sem nýttur verður áfram í viðeigandi verkefni.

Í stjórnstöðvarbílnum geta starfað 8 til 10 manns við stjórnun aðgerða og margs konar upplýsingasöfnun og vöktun. Bíllinn er búinn 14 tölvuskjám, 30 símatækjum, í lagnir fóru kringum 2 km af köplum og loftnetin eru 17. Meðlimir björgunarsveitanna unnu sjálfir við að innrétta bílinn og setja í hann tæki og sveitirnar nutu einnig mikillar velvildar og stuðnings fjölmargra fyrirtækja.

Bíllinn sem komst í gagnið á síðasta sumri hefur verið notaður 13 sinnum í útköllum og tvisvar verið til taks vegna fjölmennra menningarviðburða. Útköllin hafa bæði verið á höfuðborgarsvæðinu og úti á landi, meðal annars við leit á Sólheimajökli seint á síðasta ári og hann var við Múlakvísl síðasta sumar þegar brúin þar hvarf í fljótið.

Undanfarið hefur veðrið leikið við útivistarmenn og Undanfarar Ársæls nýta sér það til hins ítrasta. Vikuleg æfing var að þessu sinni haldin í ísklifurturni ÍTR í Gufunesi.

Blaðaljósmyndara Morgunblaðsins bar að og tók þessa skemmtilegu mynd af Viktori  þar sem hann tekst á við 13 metra háan vegginn en erfiðleikar geta verið á bilinu WI4/5 eftir aðstæðum.

• Nánar um Undanfara Ársæls